«Атыраудың» екі футболшысы «Алтайға» ауысады

«Атырау» командасының екі футболшысы Айболат Макуов пен Валерий Андреев шығысқазақстандық «Алтай» клубының қаралымына келді, деп хабарлайды отандық басылмдар.

20 жастағы футболшылардың екеуі де өткен маусымда «Атырау» жастар командасының сапында екінші лигада доп тепкен болатын. Қорғаушы болып өнер көрсететін Айболат 27 ойынға қатысып, 4 гол соққан. Ал жартылай қорғаушы Валерий 29 кездесу өткізіп, еншісіне бір гол жазған.

Енді екеуі жаңа маусымды жаңа командамен бірге бірінші лигада бастағалы отыр.