«Астана» - «Спортинг» кездесуінің билеттері онлайн сатылымға шықты
Қазақстанның және әлемнің спорт жаңалықтарына жазылыңыз«Астана» УЕФА Еуропа Лигасының 1/16 кезеңі аясында өз алаңында португалиялық «Спортинг» командасын қабылдайды.Ойын 15 ақпан күні сағат 22:00-де басталады.
Осы ойынға билеттерді ticketon.kz сайтынан онлайн жүйеде сатып алуға болады.
Матч билеттерінің құны 1500 теңге мен 8000 теңге аралығында арнайы санаттарға бөлінген.
Студенттер мен мектеп оқушыларына 50% жеңілдік қарастырылған. Ал зейнеткерлерге (зейнеткер екендігін дәлелдейтін куәлігін көрсеткен жағдайда) ойынға кіру тегін. Ол азаматтарға қолайлы болу үшін стадионның W1 секторы арнайы бөлінген.
Естеріңізге сала кетейік, «Астана» командасы қазақстандық клубтар арасында тұңғыш рет еурокубоктердің көктемгі кезеңіне жолдама алған болатын.
