Бауыржан Тұрысбектің қаншаға сатылғаны белгілі болды

«Қайрат» клубы Бауыржан Тұрысбекті «Тобылға» сатты. Бұл туралы алматылық команданың ресми сайты хабарлады. 

<span>«Тобыл» Тұрысбек үшін нақты қанша ақша төлегені белгісіз. Алайда бейресми ақпаратқа сенсек қостанайлық клуб «Қайратқа» 30 миллион теңге санап берген көрінеді. </span>

Бауыржан қостанайлық клубпен екі жылға келісімге отырды. 

Бұған дейін Бауыржан «Жетісу-Сұңқар», «Жетісу» және «Қайрат» клубтарында доп тепкен. Сондай-ақ Тұрысбек Сербияның «Раднички» командасында ойнаған.