Азат Нұрғалиев «Қайраттың» қатарын толықтыруы мүмкін

Қазақстан ұлттық құрамасының жартылай қорғаушысы Азат Нұрғалиев алматылық «Қайраттың» қатарына қосылуы мүмкін.

Шымкенттік «Ордабасының» тәжірибелі футболшысы жақында туған командасынан кеткені туралы хабар тараған. Енді оның қайда баратыны жайлы да ақпарат пайда болып отыр.

Алматы қаласының «Қайраты» ғана емес, Алматы облысының «Жетісуы» да жартылай қорғаушыдан дәмелі. Талдықорғандықтардың бас бапкері Дмитрий Огай Азатқа қатты қызығушылық танытып отырған көрінеді.