Моуриньо доп әкеліп тұратын балаларды сынға алды

«Манчестер Юнайтед» бас бапкерінің пікірінше, «қызыл сойқандардың» өз алаңындағы ойындарына «болбойлар» бөгет болып жүр.

The Sun ақпаратына сүйенсек, португалиялық маман «Олд Траффордтағы» матчда доп әперіп тұратын балалардың әрекеттеріне ашуланған. АПЛ-дың 20-турында «Бернлиге» қарсы ойында балалар тым баяу қимылдаған. Бұл алаң иелерінің шабуылына бөгет болған екен.

Моуриньоға «болбойлардың» жұмысы бірінші рет ұнамай тұрған жоқ: португалиялық бапкер «Челсиді» жаттықтырғанда да осындай оқиға болған еді.