Коутиньо «Ливерпульдан» өзін-өзі «сатып алды»

Кеше «Ливерпуль» клубының бразилиялық футболшысы Филиппе Коутиньо «Барселона» клубына ауысқан болатын. Әрі Ойыншының жалпы трансфер құны 160 миллион еуроны құраған еді.

Екі команда әу баста 150 миллион еуроға келіскен болатын. Алайда «Барселона» тарап мезгілінен бұрын трансфер жайлы мәлімдеп қойғандықтан мерсисайдтық команда бағаны көтеріп жіберген.

Каталониялық командаға ауысуға асыққан Коутиньо «Ливерпуль» сұраған соңғы 10 миллион еуроны өз қалтасынан шығарып берген. Сөйтіп, футболшы өзін өзі бұрынғы командасынан сатып алып отыр.