«Ақжайық» жергілікті ойыншыларға мүмкіндік беріп отыр

<span>Футболдан премьер-лигада өнер көрсететін Оралдың «Ақжайығы» жергілікті ойыншыларға тағы да бір мүмкіндік беріп отыр. </span>

<span>«Ақжайық» футбол клубының директоры Нұртаза Әбілхановтың айтуынша, команда 8-28 қаңтар аралығында Түркияда оқу-жаттығу жиынын өткізеді. Батысқазақстандық клубқа украиналық маман Владимир Мазярдың бас бапкер болып келгені белгілі. Ол Қазақстанда ешкімді білмейді, ойыншыларға тың көзбен қарайтыны белгілі. </span>

<span>Сондықтан бұрын «Ақжайықта» ойнап, басқа жаққа кеткен Николай Забродин, Руслан Қайыров, Сергей Шевцов бақтарын тағы бір мәрте сынап көрмек. Сол секілді Алматының «Қайратында» футболдағы жолын бастаған тәжірибелі Руслан Сақалбаев, </span><span>Болгарияның «Верея» клубында доп теуіп үлгерген тағы бір жартылай қорғаушы Еркебұлан Нұрғалиев аталмыш жиынға қатысады. </span>

<span>Жаңа маусым алдында біреулердің кетіп, екіншілерінің қалуы заңды нәрсе. Мысалы, команда капитаны Мейрам Сапанов, жартылай қорғаушы Азат Ерсәлімов, легионерлерден хорватиялық Денис Главина қалып отыр. </span>

<span>«Оқу-жаттығу жиындары барысында өздерін жақсы қырынан көрсеткендер командаға алынады. Легионерлердің де қосылатыны анық. Олармен келісімшартқа қол қойылғаннан кейін ғана нақты айтуға болады», деді  «ҚазАқпарат» тілшісіне Нұртаза Серікұлы. </span>