«Ақтөбені» Роналдиньо мен Неймарға таныстырған футболшы Әзірбайжанда ойнайды

Былтырғы маусымда «Ақтөбе» сапында бастап, жазда командадан кетіп қалған бразилиялық Витор Джуниор мансабын Әзірбайжанда жалғастырады.

«Ақтөбеден» кейін Джуниор Бразилияның екінші дивизионындағы АВС клубында ойнаған. Енді әзірбайжандық «Нефтчидің» намысын қорғайды.

Айта кетейік, 2017 жылғы маусымда ҚПЛ-да Джуниор «Ақтөбе» сапында 6 матч өткізіп, 1 гол соққан. Бірақ ол жанкүйерлердің есінде «Ақтөбенің» жейдесін ұстап, Роналдиньо және Неймармен түскен суреттерінің арқасында сақталды.