Марин Томасов: «Қазақстанның елордасы – ғажап қала»

«Астананың» жартылай қорғаушысы Марин Томасов қазақстандық клубтағы мансабы туралы айтты.

«Осы жазда «Астанамен» келісім-шартқа отырдым. Бұл дұрыс шешім деп айта аламын. Клуб тамаша ұйымдастырылған және Қазақстанның астанасы да ғажап – мұнда барлық жағдайым жасалды. Мұнда мен жақсырақ ойнап жүрмін. «Астана» - болашағы жарқын клуб», - деді Томасов хорватиялық Sportske Novosti-ге.

Айта кетейік, 2017 жылғы маусымда Томасов ҚПЛ-да 2 гол соққан. Ал еурокубоктарда бір гол мен бір нәтижелі пастың авторы атанды.