Смақов бүгін ресми түрде бас директор атанады

Prosports.kz тілшісіне белгілі болғандай, бүгін Самат Смақов ресми түрде «Ақтөбе» футбол клубының бас директоры болып таныстырылады.

Айта кетейік, Смақов мансабын аяқтап, «Ақтөбеде» директор болады деген ақпарат өткен жылы желтоқсанда шыққан болатын.

Самат Смақов «Ақтөбе» сапында ойыншы ретінде 2007-2012 және 2016 жылғы маусымдарда ойнаған болатын. Ақтөбелік клубпен бірге үш рет ел чемпионы атанып, екі рет Қазақстан Суперкубогын, бір мәрте ел Кубогын жеңіп алған болатын. Одан бөлек, үш рет Қазақстанның үздік ойыншысы атанды.