Самат Смақов «Ақтөбенің» директоры қызметіне тағайындалды

Prosports.kz тілшісіне белгілі болғандай Самат Смақов футболшы мансабын аяқтап, «Ақтөбе» клубының бас директоры қызметіне тағайындалды.

Ардагер футболшы бұл қызметте Мақсат Түймалиевты ауыстырды. Сондай-ақ Ұлықбек Асанбаев спорттық директор атанды.

Айта кетейік, Самат Смақов футболшы мансабын осыдан 20 жыл бұрын семейлік «Елімай» командасының сапында бастаған. Мансабында 7 команданың сапында ойнаған. Оның ішінде Ресей мен Түркия біріншіліктерінде доп тепкен. Соңғы командасы шымкенттік «Ордабасы» болды. Қазақстан құрамасы сапында 76 ойын өткізіп, Ұлттық құрамада ең көп матч өткізген футболшы атанды.