Эктор Бельерин: Азар екеуміз допқа бірдей жеттік, ал төреші пенальти деп ойлап қалды

«Арсеналдың» қорғаушысы Эктор Бельерин лондондық дербиден соң өз ойымен бөлісті.

«Ойын өте қызу болды. Жылдамдық пен бәсекелестік әр минут сайын сезілді. Менің голым? Әрине, гол соғу - үлкен қуаныш. Пенальти? Барлығы тез болды. Мен ауада допты көріп, алдыға асыра тептім. Азар екеуміз допқа бірдей жеттік, ал төреші пенальти деп ойлап қалды», - деп Эктордың сөзін Sky Sports келтірді.

Естеріңізге салайық, АПЛ-ның 22-турында күш сынасқан «Челси» мен «Арсенал» 2:2 есебімен тең ойнады.