Неймар қыз досымен қайта жарасып алды

Франциялық ПСЖ командасының ойыншысы Неймар жасыл алаңда атағы дүрілдеген үлкен футболшы болғанымен, алаң сыртында басылмаған балалықтары әлі көп.

Әркез қитұрқы қылықтарымен ақпарт құралдарының назарын жиі аударып жүреді. Сол балалықтарының бірі қыз дос Бруна Маркезинимен мың айырылып, мың табысты. Екеуі соңғы мәрте өткен жылы маусым айында байланыстарын үзген еді. Алайда биылғы жаңа жылды тағы бірге қарсы алып отыр. Неймар өзінің Instagram парақшасына екеуінің бірге түскен фотоларын салып, қайта табысқандарын растады.