Бас хатшы Александр Бородюктің қызметінен кететінін растамады

Қазақстан футбол федерациясы бас хатшысының міндетін атқарушы Азамат Айтқожин Қазақстанның футбол құрамасының бас бапкері Александр Бородюктің қызметінен кететіні туралы ақпаратты растамады, деп хабарлайды ҚазАқпарат сайты.

Уақытша бас хатшы Бородюк бапкердің біздің елдегі жұмысын аяқтайтыны туралы ақпараттың шынайы емес екенін айтып отыр. Ол кісінің сөзінше, ресейлік маманмен оның құрамадағы қызметі жайлы әлі әңгімелесіп үлгірмеген. Себебі, бас бапкер қазір еңбек демалысында жүр екен. 8 қаңтар Бородюк мырза елге келген соң өзара ақылдасып, бір шешімге келетін көрінеді.