«Астана» жаңа маусымға дайындықты Дубайда бастайды

«Астана» командасы жаңа маусымға дайындықты 10 қаңтарда бастайды, деп хабарлайды клубтың ресми сайты. Алғашқы оқу-жаттығу жиыны Біріккен Араб Әмірліктерінде(БАӘ) өтеді.

Жаттығу жұмыстары 30 қаңтарға дейін жалғасатын болады. Осы аралықта еліміздің төрт дүркін чемпиондары үш жолдастық кездесу өткізуді жоспарлап отыр екен. Жолдастық кездесулердің уақыты 22, 26 және 29 қаңтар күндеріне белгіленген.