«Астана» футбол клубы рекорд жаңартты

Елордалық футболшылар УЕФА-ның клубтар рейтингісінде үш маусым бойы үздіксіз жоғарылап келе жатыр.

Таяуда Еуропа лигасының 1/16 финалына шыққан «Астана» қазір үздік командалардың тізімінде 67-орында тұр. Айта кетейік, үш жыл бұрын Қазақстан чемпионы 452 орында жайғасқан.

Станимир Стоиловтың шәкірттері Еуропа лигасының 1/16 финалында Лиссабонның «Спортинг» клубымен кездеседі. Алғашқы матч ақпанның 15 күні Астанада өтеді.