Португалиялық БАҚ «Спортингтің» Астанадағы қиындықтарына тоқталды

Португалиялық Cmjornal.pt сайты лиссабондық «Спортинг» Астанада өтетін матчта қандай қиындыққа тап болатынын жазды.

Айта кетейік, «Астана» мен «Спортинг» Еуропа лигасының 1/16 финалында кездеседі.

«Қазақстан чемпионы «Астананың» аты қорқыныш тудырмайды. Алайда, «арыстандар» ұзақ сапар және төмен температурамен кездеседі. Бұл Жезуш командасының басты қарсыласы болмақ. Лиссабон мен Астананың арасы 7 мың шақырым. Бұл қалада температура минус 18-ден де төмен болуы мүмкін. Ал уақыт айырмашылығы – 6 сағат. Оның үстіне, «Астана Аренада» синтетикалық көгал төселген. Бұл табиғи алаңға үйренген «Лиссабон» футболшыларына қолайсыздық туғызуы мүмкін», - деп жазады портал.

Айта кетейік, бұл командалардың алғашқы матчы Астанада 15 ақпанда өтеді.