«Твумаси мен Кабанангаға қимылдауға мүмкіндік бермейміз»

- Үш ойыншымыз жарақат алып, екеуі айықты. Ойынға кімдер шығатынын ертең шешеміз. 

- Чемпионаттағы жағдайларыңыз мәз емес, «Астананы» алға жібере салып ішкі біріншілікті ойлаған дұрыс емес пе сіздер үшін? 

- «Виктория» клубы күз мезгілінде жақсы нәтиже көрсетті. Құттықтаймыз, бірақ біз үшін бұл жақсы емес. Еуропалық жарыстарда біз жақсы ойнаймыз. ертең соны дәлелдегіміз келеді. 

- Қорғанысқа мән бересіздер ме, сіздерге тең нәтиже де жеткілікті ғой? 

- Тек қана тең нәтижені көздеу қателік болушы еді. Ертең жеңу мақсатымыз, сол үшін адуынды ойнаймыз. Бірақ ойынның соңына дейін тең бе тең болып тұрсақ мұқият боламыз. 

- Мигель Данни ертең алаңға шыға ма? 

- Мен оны құрамға қостым. 

- Патрик Твумаси мен Жуниор Кабанангадан қалай қорғанасыздар? 

- Оларды білеміз. Жылдам ойыншылар. Біздің жоспарымыз бар. Оларға еркін қимылдауға мүмкіндік бермейміз. Басқасын айтпай-ақ қояйын. 

Еске салайық, ертең «Астана» футбол клубы сырт алаңда «Славиямен» кездесіп Еуропа Лигасының 1/16 финалына жолдама үшін таласады.