«Астана» «Славияның» бұрынғы бапкерінен көмек сұрады

«Астана» Еуропа лигасы топтық кезеңінің чехиялық «Славияға» қарсы шешуші матчына дайындалып жатыр.

IDnes.cz ақпаратына сүйенсек, маусымның маңызды матчына дұрыс дайындалу үшін қазақстандық клуб «Славияның» бұрынғы бас бапкері Мирослав Беранектен көмек сұраған.

Айта кетейік, Беранек бұған дейін «Астана» мен Қазақстан құрамасын жаттықтырған болатын.

- «Астанада» жұмыс істеп жатқан бұрынғы көмекшім хабарласты. Жаттығу жұмысын дұрыс жасауға көмектесуімді сұрады, - деді Беранек.