Александр Кержаков: Қазақстан чемпионаты өте төмен деңгейде

Ресей құрамасының бұрынғы футболшысы Александр Кержаков алматылық «Қайраттың» ойыншысы Андрей Аршавиннің 2018 жылы әлем чемпионатына бару мүмкіндігін болжады.

«Әлем чемпионаты алдында Андрей Аршавиннің жасы 37 жасқа келетінін ұмытпаған жөн. Ұлттық командада ұзақ уақыт болмаған соң, оның үстіне, Қазақстан чемпионатында ойнап жүріп, қайта оралу туралы ойлайтын жаста емес. Ол ойнайтын лиганың деңгейі еуропалық жетекші чемпионаттарды айтпағанда, РФПЛ-дан өте төмен», - деді Кержаков.