«Қайрат» латын әліпбиіне көшті

Алматылық «Қайрат» футбол клубы өзінің қазақ бөлімін толығымен латын әліпбиіне көшірді.

Енді клубтың ресми сайтындағы қазақ бөліміне кірсеңіз, жаңалықтарды тек латын әліпбиінде ғана оқисыз. Осылайша, «Халық командасы» кириллица жазуын тоқтатып, тек латын әліпбиіне ауысқан. Клуб кей жанкүйерлеріне латын әліпбиінде оқудың қиындау болатынын ескермесе керек, сайттағы ақпараттар апострофқа жалғанған латынша жазылып тұр. 

Ал сайттың орыс бөлімі бұрынғыдай кириллицамен қалған.