Волейболдан БИЛ оқушылары арасында республикалық турнир басталды

Алматыда «Білім инновация» лицейлерінің оқушылары арасында волейболдан республикалық турнир басталды. Оған Қазақстанның әр аймағынан келген қыздардан құралған 11 команда қатысып отыр.

<span>«Білім инновация» Халықаралық қорының қолдауымен биыл үшінші рет өтіп отырған спорттық шараның мақсаты – балалар мен олардың ата-аналарын спортпен шұғылдануға шақыру. Келесі жылы қаңтар айында Астанада тоғызқұмалақ, шахмат және үстел теннисінен жарыстар өткізу жоспарланған. Ал мамыр айында ер балалар арасында әскери-спорттық ойындардан жарыс өтеді. Айта кетейік, еліміздегі қазақ-түрік лицейлері «Білім-инновация» лицейі болып өзгертілген болатын. </span>