«Астана» Чехияда оқу жаттығу жиынын өткізеді

Еуропа лигасының топтық кезеңі аясындағы «Вильярреалмен» (2:3) болған ойыннан соң «Астана» ойыншыларының бәрі өз үйіне тарап кетті. Бұл туралы елордалық команданың ресми сайты хабарлады.

Қысқа мерзімді үзілістен соң елордалық команда 29-қарашада Чехияда бас қосады. Еуропа лигасының топтық кезеңіндегі соңғы ойын дәл осы Чехияның «Славия» клубына қарсы өтеді.

Қос команда арасындағы ойын 7-желтоқсанда өтпек. Жеңіске жеткен команда топтан шығады. Тең нәтиже «Славияға» қол болмақ.