Гір көтеруден әлем чемпионатындаҚазақстан құрамасы күміс жүлдегер атанды
Оңтүстік Кореяның астанасы Сеулда гір көтеру спортынан өткен әлем чемпионатынан Қазақстан құрама командасы күміс жүлдегер болып оралды. (ERG) Еуразиялық Топ құрамындағы «Қазхром» ТҰК» АҚ филиалы – Ақсу ферроқорытпа зауытының спортшылары ұлттық команда қоржынына бес медаль салды, деп хабарлайды pavlodarnews.kz тілшісі.
Айтулы чемпионат әлемнің 34 елінен ең мықты деген 500-ге жуық спортшыны жинады. Қазақстан құрамасына осындай жарыстарда табысты өнер көрсетіп жүрген Ақсу ферроқорытпа зауытының қызметкерлері де кірді.
Жеке біріншілік нәтижесінде №1 балқыту цехының және электржөндеу цехының спорт нұсқаушылары Владимир Кресс пен Андрей Фиялка, металлургиялық жабдықты жөндеу цехының дәнекерші-жөндеушісі Александр Гончаренко, қожды қайта өңдеу цехының ферроқорытпа бұзушысы Нұрдәулет Жүнісов күміс жүлде алды, ал еңбекті қорғау бөлімі бастығының орынбасары Владислав Подлипенский қола медальді қанжығасына байлады.