Кавани: Неймар екеуіміз дос емеспіз

ПСЖ-ның шабуылшысы Эдинсон Кавани командаласы Неймармен ара-қатынасының қандай екенін айтты.

«Жақсы достарыңның болуы – қалыпты жайт. Бірақ Неймар екеуіміз дос емеспіз. Маңызды, біз бір-бірімізді сыйлаймыз және екеуіміз де бұл үшін не істеу керек екенін білеміз», - деді Кавани UOL-ға берген сұхбатында.

Айта кетейік, бұған дейін Кавани мен Неймар айып соққысы мен пенальти тебу кезінде келіспей қалған болатын. Кейін бас бапкер Унаи Эмеридің шешімімен, пенальтиді екеуі алма кезек тебетін болды.