Чебурин Литва чемпионы атанды

Қазақстандық бапкер Владимир Чебурин жаттықтыратын «Судува» Литва чемпионы атанды.

Соңғы турда «Судува» басты қарсыласы, соңғы төрт маусымда чемпион болған «Жальгиристі» қабылдады. Соңғы тур алдында «Судува» 68 ұпай жинап, «Жальгиристен» бір ұпайға озып тұрған еді.

Шешуші матчта Чебуриннің шәкірттері 3:0 есебімен жеңіске жетті. Осылайша, «Судува» өз тарихында тұңғыш рет ел чемпионы атанды.