«Астананың» ойыншылары құрамаға шақырту алды

«Астана» командасының төрт ойыншысы Қазақстан жасөспірімдер құрамасына шақыртылды. Бұл туралы клубтың баспасөз-қызметі хабарлады.

2002 жылы туған жасөспірімдер құралған Қазақстан құрамасы алдағы маусымға дайындалу үшін, Талғардағы Ұлттық құрама командалар базасында оқу-жаттығу жиынын өткізеді. 

Осы жастағы құрама бапкері Игорь Свечников осы жиынға елордалық команда сапынан 4 ойыншыны құрамаға шақырды. 

Олар: қорғаушы Игорь Свечников, жартылай қорғаушылар Алдияр Тастанов және Байжан Мадельхан, шабуылшы Руслан Киргетов. 

Айта кетейік, Мадельхан 17 жасқа дейінгі Қазақстан құрамасына осы жылы шақырту алса, қалғандар үшін бұл алғашқы шақырту.