Нұрсұлтан Назарбаев Ауыр спорт түрлері академиясына барды

Қазақстан Президенті Қостанай қаласының оңтүстік-шығыс бөлігінде орналасқан Ауыр спорт түрлері академиясына барды, деп хабарлайды Ақорданың баспасөз қызметі.

Елбасы спорт залын аралап көріп, жергілікті спортшылармен, сондай-ақ Қазақстанның ауыр атлетикадан жасөспірімдер құрамасының мүшелерімен әңгімелесті.

Айта кетейік, академия спорттың ауыр атлетика, пауэрлифтинг, бодибилдинг, армрестлинг сияқты түрлерінен спортшылар дайындайды.