Қазақстан футбол федерациясы ребрендинг жасады

2017 жылдың 12 қазан күні Астанада Қазақстан футбол федерациясының XV Конференциясы өтті. Шара барысында ұйым атауын өзгерту туралы шешім қабылданды. Енді ұйым аты – Қазақстан футбол федерациясы, ал қысқаша атауы – ҚФФ. Бұл туралы федерацияның ресми сайты хабарлады. 

Осыған қоса Қазақстан футбол федерациясының логотипі де өзгеріске ұшырады. Енді ол замануи әрі жинақы. Федерацияның тек атауы қатты өзгерді. Логотиптегі толық атау ҚФФ-ға ауысты. Осылайша ол көзге ерекше көрінеді және оны халықаралық деңгейде қолдануға да тиімді.

Ал фирмалық түстер мен негізгі элементтер өзгеріссіз қалды: бүркіт (еркіндік пен тәуелсіздіктің белгісі),доп (футбол) және күн (болашаққа деген шуақты әрі сенімді көзқарас). Жаңа фирмалық стильге ауысу 2017 жылдың соңына дейін жүреді.<span id="ctrlcopy"><br /></span>