Кабананга клуб сұрмергендері тізімінде үшінші орынға көтерілді

Елордалық команда көкшетаулық «Оқжетпеске» қарсы кездесуде 4:0 есебімен жеңіске жетті. Осы ойында соғылған төрт голдың біреуін, конголық шабуылшы өз еншісіне жазды.

Осылайша, Жуниор «Астана» сапында соққан голдар санын 35-ке жеткізді.

        Жекелей көрсеткіштер бойынша Кабананга клубымыздың нәтижелі ойыншылары тізімінде  Фокси Кетевоамны басып озды.

         Осы нәтиже бойынша Конго ДР құрамасы ойыншысынан көп гол соққан елордалық команда сапында екі ғана ойыншы бар. Олар: Патрик Твумаси (58) мен Таңат Нөсербаев (54).

Клуб сұрмергендері тізімінде «Астана» командасының қазіргі құрамынан Твумаси мен Кабанангадан бөлек, 14 гол соққан Джордже Деспотович бар.