«Астана» чемпиондыққа бір табан жақындады

Елордалық «Астана» ҚПЛ 24-турының кейінге шегерілген матчында «Оқжетпеспен» ойнады.

«Астана Аренада» өткен кездесуде астаналықтар 4:0 есебімен қарсыласын тас-талқан етті. Бірінші таймда Маевский мен Кабананга гол соққан. Кейін Твумаси есепті 3:0-ге жеткізді. 80-минутта Абдуллин өз қақпасына гол соғып, матчтың нүктесін қойды – 4:0.

Осы матчтан кейін «Астана» 76 ұпаймен көш басында қалды. Елордалықтар «Қайраттан» төрт ұпайға озып тұр. Ал 24 ұпайы бар «Оқжетпес» 12-ші сатыда келеді.

Енді 32-турда «Астана» өз алаңында «Қайраттан» ұтылмаса, уақытынан бұрын ел чемпионы атанады.