Арсен Венгер: Озил бабында болса, оның жоғары деңгейдегі футболшы екеніне ешкім күмән келтірмейді

«Арсенал» клубының бас бапкері Арсен Венгер «Эвертонға» қарсы өткен кездесуден соң командасын мақтады. 

«Рунидің голынан кейін бізді сынақ күтіп тұрды. Біз 2-3 гол соғуымыз қажет еді және оны жоғары деңгейде жасадық. Біздің әрбір қимылымыз, әрбір комбинациямыз керемет болды. 

Месут Озил физикалық тұрғыдан біраз еңбектенді. Озил бабында болса, оның жоғары деңгейдегі футболшы екеніне ешкім күмән келтіре алмайды», — деді Арсен Венгер BBC Sport арнасының эфирінде.