Атақты футболшы Тбилиси мэрі атанбақ

Алдағы демалыста Грузияда Тбилиси мэрі үшін сайлау өтеді.

Бұл орынға үміткерлердің бірі – италиялық «Миланда» ойнаған Каха Каладзе.

Каладзе киевтік «Динамода» ойнап, кейін «Миланға» ауысты. Миландық клубта ол Италия чемпионы атанып, мансабын Генуада аяқтады.

Ал Грузияда ол миллиардер Бидзина Иванишвили құрған «Грузиялық арман» қозғалысына қосылды.

Елорда мэрінің сайлауына төрт кандидат қатысып жатыр.