Давид Де Хеа «Алтын допқа» үміткерлер қатарына енді

France Football журналы «Алтын допқа» үмітті футболшылардың қатарына таға бес ойыншыны қосты.

Олар: «Манчестер Юнайтед» қақпашысы Давид Де Хеа, «Манчестер Сити» жартылай қорғаушысы Кевин Де Брюйне, шабуылшылар Харри Кейн(«Тоттенхэм»), Роберт Левандовски(«Бавария») және Эдин Джеко(«Рома»).

Бұған дейін «Барселона» шабуылшысы Луис Суарес, «Атлетико» қақпашысы Ян Облак, «Ливерпуль» жартылай қорғаушысы Филиппе Коутинью, «Наполи» шабуылшысы Дрис Мертенс, ПСЖ шабуылшысы Неймар, «Реал» ойыншылары Серхио Рамос,Лука Модрич және Марселу, «Ювентустан» Пауло Дибала және «Челси» жартылай қорғаушысы Н`Голо Канте «Алтын допқа» үміткерлер қатарына енген болатын