Андре Виллаш-Боаш Қытай біріншілігінің соңына дейін шеттетілді

«Шанхай СИПГ» клубының бас бапкері Андре Виллаш-Боаш Қытай біріншілігінің 26 туры аясында «Бэйцзин Гоань» (1:0) командасына қарсы өткен матчта бас төрешімен сөзге келіп қалғаны үшін 8 ойынға шеттетілді.

Португалдық маман бұған дейін де төрешімен келіспей қалғаны үшін 5 мың евро айыппұл төлеген болатын.

Сегіз ойыннан шеттетілген Виллаш-Боаш Қытай чемпионатының соңына дейін қатыса алмайды. Өйткені біріншілік төрт турдан соң аяқталады.

26 турдан кейін «Шанхай СИПГ»  54 ұпаймен жарыс кестесінде екінші орында келеді. Көш басында «Гуанчжоу Эвергранд» командасы.