«Астананың» екі ойыншысы Түркияға аттанады 

17 жасқа дейінгі Қазақстан жасөспірімдер құрамасы ЕУРО іріктеу кезеңіне дайындық жұмыстары алдында Түркияда оқу-жаттығу жиынын өткізеді. 

Команда 23 қыркүйек күні Талғарда жиналып, жаттығу жұмыстарын жалғастыру мақсатында Түркияға аттанады. Ол жақта құрама 3-ші қазанға дейін болады. 

Құраманың аға бапкері Игорь Свечников командаға «Астана» сапынан екі ойыншы – қорғаушы Әділжан Дүйсембаев пен шабуылшы Станислав Басмановты шақырды. 

Айта кетейік, Әділжан осы жастағы құрама команданың капитаны міндетін атқарады.