Павлодар облысында 400 мектепте тоғызқұмалақтан флешмоб өтті

<span style="padding: 0px; margin: 0px;">«Рухани жаңғыру» бағдарламасын іске асыру шеңберінде бүгін Павлодар облысының 400 білім беру ұйымында тоғызқұмалақтан бірыңғай флешмоб өтті. Оған 10 мыңға жуық оқушы қатысты.</span>

<span style="padding: 0px; margin: 0px;">Облыстық білім беру басқармасы тәрбие және қосымша білім беру бөлімінің бас маманы Жанар Тәджікованың сөзіне сүйенсек, өңірде 316 тоғызқұмалақ секциясы жұмыс жасайды. Оған 4600-ден астам бала белсене қатысады. </span>

<span style="padding: 0px; margin: 0px;">- Бүгінгі жаппай флешмоб ұлттық спортты насихаттау және оқушыларды қызықтыру мақсатында ұйымдастырылды, - дейді бас маман. - Әрине, бұдан да бөлек, сан алуан шаралар өткізілуде. Мәселен, жазғы демалыс кезінде асық жинау акциясы өтті. Жуық арада оқушыларды асық ату ойынына қызықтыру және оны ұйымдастыру бойынша семинарлар өткізіледі. </span>

<span style="padding: 0px; margin: 0px;">Тоғызқұмалақтан флешмоб шарасына қатысқан білім ордаларының бірі - Бауыржан Момышұлы атындағы № 22 мектеп. </span>

<span style="padding: 0px; margin: 0px;">- Біздің мектепте тоғызқұмалақ үйірмесі 1999 жылдан бері тұрақты жұмыс істейді. Өткен жылы шахмат кабинеті ашылған. Қазір сабақтар осында жүргізіледі. Арнайы оқулықтармен жұмыс жасаймыз. Тоғызқұмалақ үйірмесіне 18 бала қатысады. Үздіктеріміздің бірі - Роза Райымбекова. Ол Қазақстан және Азия чемпионы атанған, - деді 27 жылдық еңбек өтілімі бар дене шынықтыру пәнінің мұғалімі, тоғызқұмалақ үйірмесінің жетекшісі Мақсұт Нұрахметов. </span>