С.Вайгант штанганы жатып көтеруден Азия чемпионы атанды

Ақмолалық спортшы Сергей Вайгант Филиппин елінде өткен Азия чемпионатында алтын медальға қол жеткізді, деп хабарлайды ҚазАқпарат тілшісі.  

105 келі салмаққа дейінгілер арасында өткен жарыста жерлесіміз Сергей Вайгант 300 келі нəтижесімен жарыс жеңімпазы атанды. Сергейдің жаттықтырушысы, əлем чемпионы, үш дүркін Азия чемпионы Кирилл Павленконың сөзіне қарағанда, байрақты додаға Ақмола облысынан 5 спортшы қатысқан. Оның ішінде Сергей Вайганттың бабы мен бағы қатар шапты.