Мане АПЛ-дың тамыздағы үздік ойыншысы атанды

«Ливерпуль» ойыншысы Садьо Мане АПЛ-дың тамыз айындағы үздік ойыншысы атанды.

Маусымдағы алғашқы үш ойында Мане үш гол соқты. Оның клубы мүмкін болған тоғыз ұпайдың жетеуін жинады. 

Дауыс беру қортындысында Мане «Манчестер Юнайтед» қорғаушысы Фил Джонсты, «Хаддерсфилд Таун» қақпашысы Йонас Лосслді, «Манчестер Юнайтед» шабуылшысы Ромелу Лукакуды, «Манчестер Юнайтед» жартылай қорғаушысы Генрих Мхитарянды,  «Челси» шабуылшысы Альваро Моратаны және клубтасы Мохамед Салахты басып озды.