Маруа жасөспірімдер құрамасына шақырту алды

Павлодарлық «Ертістің» футболшысы Рахман Маруа жасөспірімдер құрамасына шақыртылды. Бұл туралы «Ертіс» ФК-ның баспасөз қызметі хабарлады.

Қорғаушы 2017/2018 жылғы Еуропа Чемпионатының іріктеу раундына дайындалу үшін 17 жасқа дейінгі Қазақстан жасөспірімдер құрамасына шақырту алып, құрамамен бірге Талғар қаласында оқу-жаттығу жиынын өткізеді.

Сонымен қатар, 31-тамыз бен 10-қыркүйек арасында өтетін халықаралық «ҚР Президенті Кубогы» турнирінде бақ сынайды.