БИІК келесі кезеңге бір қадам жақындады

Шымкенттік БИІК әйелдер арасындағы Чемпиондар лигасының екінші кезеңінде топтағы екінші матчын өткізді.

Ел чемпионы «Хайвалия» клубымен кездескен. Матч 1:0 есебімен шымкенттік клубтың пайдасына жазылды. Ойындағы жалғыз голды Гульнара Габелия соқты.

Айта кетейік, іріктеудің бұл тобы өз матчтарын Будапештте өткізіп жатыр. Алғашқы матчта «БИІК-Қазығұрт» «Спортингті» 2:0 есебімен жеңген болатын.

Енді шымкенттік футболшы қыздар соңғы матчта турнир қожайыны МТК-мен күш сынасады. «БИІК» бұл матчта жеңілмесе, топтан бірінші орынмен шығып, келесі кезеңге өтеді.

БИІК - Хайвалия - 1:0 (1:0)

Гол: Габелия 14