«Барселона» «Реалдан» оңбай ұтылды

Футболдан Испания суперкубогының бірінші матчында «Барселона» өз алаңында «Реалды» ұта алмады.

«Камп Ноу» стадионында өрбіген тартысты ойын 1:3 есебімен қонақтардың пайдасына шешілді. Алдымен, Марселоның соққысынан кейін Пике өз қақпасына гол соғып жіберді. Артынша Месси пенальтиден таразы басын теңестірді. Ал кездесудің 80-ші минутында Роналду әдемі соққымен өз командасын есепте алға шығарды. Араға екі минут салып Криштиану симуляция жасағаны үшін алаңнан қуылды. 90-шы минутта Асенсио нәтижені қорытындылады.

Қарымта матч үш күннен кейін Мадрид қаласында өтеді.

Испания суперкубогы. Бірінші матч

«Барселона» - «Реал» - 1:3 (0:0)

Голдар: Месси 77 (пенальтиден) - Пике (автогол) 50, Роналду 80, Асенсио 90

Алаңнан қуылды: Роналду 82