«Ертіс» футболшылары оңалту орталығында болды 

Бүгін павлодарлық «Ертіс» футбол клубының ойыншылары тірек-қимыл аппараты бұзылған балалардың оңалту орталығында болып қайтты. Бұл туралы «Ертіс» ФК-ның баспасөз қызметі хабарлады. <br /><br /> Еске сала кетейік, Премьер-Лиганың 15-турындағы «Ертіс» - «Оқжетпес» ойынында жасыл алаңға футболшылар мен сал ауруына шалдыққан балалар бірге шыққан болатын. Сол матчта команда ойыншылары орталыққа қонаққа келеміз деп уәде берген болатын. <br /><br /> Барлық құраммен аттанған ойыншыларды орталық қызметкерлері мен балалары құшақ жая қарсы алды. <br /><br /> Кездесу барысында балалар өздерін қызықтырған сұрақтарын қойып, дайындаған шағын концертін көрсетті: би билеп, ән шырқады. <br /><br /> Өз кезегінде футболшылар да сый-сияпаттарын табыстады. Шара соңында жартылай қорғаушы Аслан Дарабаев пен шабуылшы Игорь Бугаев балаларға шеберлік сабағын өткізді. <br /><br /> Көңілге қуаныш сыйлаған кездесу естелік суретке түсумен өз мәресіне жетті. Ал, балалар футболшыларға сәттілік тіледі. <br /><br /><br />