Бірнеше еуропалық клубтар Кабанангаға көз салды

«Астананың» шабуылшы Джуниор Кабанангаға италиялық А сериясының клубы «Кротоне» қызығушылық танытып отыр.

Бұл туралы белгілі италиялық «la Gazzetta dello Sport» басылымы хабарлады.

Айта кетейік, жақында Prosports.kz-ке берген сұхбатында «Астана» шабуылшысының өкілі Серж Татьефанг Кабанангаға Франция, Түркия, Бельгия мен Қытайдан тоғыз ұсыныс түскенін айтқан болатын.

Естеріңізге сала кетсек, биыл Джуниор Кабананга Африка Ұлттары кубогының үздік сұрмергені тізіміне енген болатын. Сондай-ақ, ол Қазақстан чемпионатында 14 гол соғып, үздік сұрмергендердің бірі саналады.