2018 жылы өтетін жарыстардың ережелері талқыланды

Бүгін Қазақстан футбол федерациясының кеңсесінде 2018 жылы өтетін бұқаралық, студенттік және балалар-жасөспірімдер футболы бойынша жарыстарды ұйымдастыру мәселелеріне қатысты жиын өтті.<br /><br />Жиынға Қазақстан футбол федерациясының президенті Сейілда Байшақов пен ҚР Білім және ғылым министрлігі Ұлттық ғылыми-тәжірибелік дене шынықтыру орталығының бас директоры Садық Мұстафаев қатысты.<br /><br />2018 жылы өтетін Республикалық «Студенттік Лига», «Былғары доп» деп аталатын республикалық мектеп лигасы, «Теңбіл доп» деп аталатын қыздар арасында республикалық лиганың жарыстарын ұйымдастыру ережелері талқыланды.<br /><br />ҚР Білім және ғылым министрлігі жарыс ережелерін бекіткеннен кейін барлық құжаттар облыс орталықтары мен Астана, Алматы қалаларының құзырлы білім беру мекемелеріне беріледі.