Хасан Салихамиджич - «Баварияның» жаңа спорттық директоры

«Бавария» клубының бұрынғы жартылай қорғаушысы Хасан Салихамиджич мюнхендік клубтың спорттық директоры болып тағайындалды.

Бұл жайлы клубтың ресми сайты хабарлады. Аталмыш орын 2016 жылдың шілде айыннан бос тұрған. Бұған дейін ол лауазымды орында Матиас Заммер қызмет еткен.

«Мен өте бақыттымын. «Баварияға» алғаш келгенімде әр жаттығуда, ойында жанымды бергенмін. Енді спорттық директор болып аянбай еңбек етуге дайынмын», - деді Хасан.