«Легия» - «Астана» матчын «KazSport» көрсетеді

Чемпиондар лигасы үшінші іріктеу кезеңінде «Легия» мен «Астана» арасындағы қарымта матчты қазақстандық жанкүйерлер тікелей эфирде тамашалай алады.

Польшада өтетін кездесу 2 тамыздан 3-не қараған түні болмақ. Ойын Астана уақытымен 00:45-те басталады. Матчты тікелей эфирде «KazSport» көрсетеді.

Естеріңізге сала кетсек, «Астана Аренада» өткен алғашқы матчта «Астана» «Легияны» 3:1 есебімен жеңген болатын.