Майкл Фелпс: Нағыз акуламен жарысқыларыңыз келсе – іске сәт

Олимпиаданың 23 дүркін чемпионы жүзуші Майкл Фелпс өтірік ақ акуламен жарысты деп айыптаған адамдарға жауап қатты.

«Бәрінің де сынағысы келеді. Бірақ «акуламен» жарысу маған қызық болды. Егер кімде кім суға түсіп, нағыз үлкен ақ акуламен жарысқысы келсе – іске сәт. Бірақ сіз акуланы тура жүзгізе алмайсыз. Әйтсе де, соған қараған қызық болар еді», - деді Фелпс.

32 жастағы спортшы Discovery телеарнасындағы шоуда «акуламен» жарысқан болатын. Бірақ ол шынайы акула емес, компьютерлік симуляция болды. Фелпс «қарсыласын» екі секундқа озып кетті.