ПСЖ Неймар үшін рекордтық ақша төлеуге әзір

Каталондық «Барселонаның» шабуылшысы Неймар жақын арада ПСЖ басшылығымен кездесіп келіссөздер жүргізуі мүмкін.

AS-тың хабарлауынша, Бразилия құрамасының шабуылшысы алдағы аптада ПСЖ клубының президенті Нассер Аль-Хелайфимен жолығады.

Франциялық ұжым Неймар үшін рекордтық 222 миллион еуро көлемінде қаржы төлеуге әзір. Оның үстіне, бразилиялық футболшының жақындары оған Мессидің көлеңкесінде жүрмей, жаңа командаға ауысуға кеңес беруде.