Қазақстан құрамасының бұрынғы ойыншысы жол апатына түсті

Футболдан Қазақстан құрамасының бұрынғы ойыншысы Вячеслав Эрбес ауыр халде ауруханада жатыр.

Бұл туралы еліміздің спорт журналисі Айдын Қожахмет хабарлады.

- Вячеслав Эрбес жол апатына түсті. Ертең омыртқасына ота жасайды. Жағдайы ауыр дейді, - деп жазды Айдын өзінің «твиттердегі» парақшасында.

Естеріңізге сала кетсек, Вячеслав Эрбес Қазақстан құрамасы сапында жеті ойын өткізген. Көп жылдары бойы өскемендік «Востоктың» намысын қорғаған. Соңғы клубы – «Мақтарал» болатын.

Фото: Sports.kz